LIBURU ELEKTRONIKOA

Liburu elektronikoa :
Ez dakit bideo honetan aurkezten dena egia den ala ez. Ziur asko horrelako antzeko tresnak existitzen direla, baina ez dakit jadanik salmentan dauden ezta ere web orrialdeak existitzen diren doaneko liburu edota egunkarietako deskargak egiteko.
Existitu ala ez, argi dago horrelako aukerak laster eskura izango ditugula, eta salmentan jarriko direnean urteak pasa ahala prezioa gero eta ekonomikoagoa izango dela.
Hemen aurkezten dena ordenagailu portatil bat baino azkoz gehiago da. Liburu elektroniko honetan, 6000 liburu gorde dezakezu, baina ez hori bakarrik baizik eta idatzi dezakezu ere, fitxategiak jaso eta bidali, marrazkiak egin, ohartxoak jarri, jokuak, denborapasak,…
Guztiz mugikorra da, eta hau dela eta zure liburutegi osoa edonora. eraman dezakezu.

HEZKUNTZA ATZO ETA BIHAR

HEZKUNTZA ATZO ETA BIHAR

Egunkarian aipatu dudanez, bideo honen helburua atzoko eta gaurko hezkuntzaren arteko kontrastea nabarmentzea da.
Beste aldetik, bideo hau ikusterakoan konturatu gaitezke zelan ikasteko moduak gizarte motarekin erlazionatuta daudela, adibidez: lehen jokuak taldeka egiten ziren eta baliabide eskasekin konpontzen ziren, gaur egun berriz, gehienak banakakoak dira, eta baliabideak ugariak...
Hezkuntzan aurrerapen handiak izan dira eta ikasleekin erabiltzen diren metodoak aurreratuz joan dira ere bai.
Atzo eta gaur egungo helburuak desberdinak dira. Adibidez, lehen garrantsitsuena produzitzea zen, landibe bat ikastea lantegian ikasteko eta gaur egun berriz, beste lehentasunak daude: hizkuntzak ikastea, ikertzea, produktuen garapena,…
Irakaslearen lehengo funtzioak aldatuko dira eta ikasleen prestakuntza ere bai: gaitasunak eta trebakuntzak desberdinak izango dira.
Amaitzeko aipatu dezakegu gaur egun dagoen joera: umeak gero eta denbora gehiago eskoletan pasa dezaten gizartearen demanda bat dago. Hala eta guztiz ere gure ustez sozializazio prozesua ez dago arriskuan.

ANIMATOR vs ANIMATION

Animator vs animation:
Oso ondo egindako bideoa da, barregarria eta planteatzen duen borroka interesgarria. Marrazkiak bizitza propioa du eta murrizketen kontra borrokatzen du. Eskritorioak, tresnen menuak eta ikonoek gure marrazki bizidunen askatasuna murrizten dute baina berak lortzen du harresi guztiak apurtzea eta beste marrazkien laguntzarekin sortzaileen kontrako iraultza bat eragin.

WEB 2.0 LA REVOLUCION SOCIAL EN INTERNET

“Web 2.0 : la revolución social en internet”: Oso bideo argia eta zehatza iruditu zait. Oso argi azaltzen du zer esan nahi duen web 2.0k eta zeintzuk diren eraginak. Laburbilduz: web 2.0 elkarreraginean eta informazioaren trukean oinarritzen diren bigarren belaunaldiko zerbitzuak dira.
Edonork sortu ahal du informazioa eta hau ohizko komunikabideentzat mehatxu bihurtzen da. Honen ondorio zuzena komunikabideen deszentralizazioa izango litzateke, pertsonek ia-ia egunkariek duten botere bera edukiko lukete baina hedatzeko kostu txikiagoarekin. Publizitate enpresei ez litzaieke interesatuko diru kopuru handiak erabiltzea publizitate kanpainetan kontsumitzaileak mikrobideetan sakabanatuta egongo direlako.
Enpresak segmentaturik dauden kontsumitzaileei aurre egin beharko diete eta xakean jartzen du antzinako publizitatezko paradigma. Hau aldatzeko aukera bat hedabide konkretuetan iragartzea izango litzateke, adibidez, txakur janari enpresa bat maskoten lagunen blogean iragarriko litzateke…
Bestalde, engainagarria den publizitatea bereziki aipatzea ere oso garrantzitsua da, iruzurra baldin badago edozein bloggerrek aurkako kanpaina garatu ahal du eta produktuaren izen ona kendu.

TEKNOLOGIA EDO METODOLOGIA

TEKNOLOGIA EDO METODOLOGIA

Bideo hau oso adierazgarria iruditu zait.
Bideoren izenburua eta amaieran agertzen den esaldiak ia ia bideo osoa laburbiltzen du.
Zertarako balio du teknologiak metodologia mantentzen badugu?
Nik uste dut bideoak adierazi nahi digula aldaketa bi norabideetan izan behar dela, alde batetik baliabide materialean eta beste aldetik pedagogian eta irakaste prozesuan.
Tresna eta teknologia berriak erabiltzen baditugu baina betiko metodologia mantentzen badugu, emaitzak berdin berdinak izango dira zuzendariaren pertsonaiak proposatutako aldaketak egin baino lehen.

ARIÑO EL PUEBLO INTERACTIVO

ARIÑO EL PUEBLO INTERACTIVO

Bideo hau ikusten animatzen zaituztet. Benetan, ikusgarria da hemen agertzen den berria. Nire gustokoa izan da.
Terueleko herri txiki bateko 59 neska mutil lehen hezkuntza amaitu arte teknologia berrien bitartez gela digitalean murgilduko dira.
Ez dituzte erabiltzen koadernorik, ez arkatzik ezta klarionik ere, guzti hauen ordez beste tresna batzuk erabiltzen dituzte: harbela digitala, bideoa, interneta, “tablets“,...
Teknologia berrien bitartez hiri handi baten aukerak eskuratuko dituzte baina gelatik atera barik: Londresera bidai birtuala egiteko aukera izango dute, museoak bisitatu, edozein aldizkari eskuratu,...
Irakasleak interneten aurkitzen duen informazioa baloratzen du eta gero unitate didaktikoa prestatzeko informazio erabilgarriena aukeratzen du.
Irakasleak berak, prestatzen ditu programazioa, edukiak, ariketak eta ebaluazioa. Heziketa honen bitartez, ikasleak norberaren autonomia lantzen du, ikaslea irakasle bihurtzen da eta eskura daukan informazioa kudeatzea ikasten du.
Baina herri honetan heziketa digitala globala izan da, herriko gurasoek ere parte hartu izan dute: ikastaroak jaso dituzte eta herriko gehienek teknologia berriak ezagutzen eta erabiltzen dituzte.
Nire ustez, hemen agertzen dena jarraitzeko oso adibide polita da eta beste herri askotan antzeko ekimenak martxan jarri beharko lirateke.